એટલું જ નહીં એ ઓનલાઇન ગિટારવાદનને રેકોર્ડ કરવાની સ્વિચ પણ તેમાં મૂકી. આખા વેબ વર્લ્ડમાં એ દિવસે ગૂગલનું ગિટાર વગાડવાનું ઘેલું ઉપડ્યું હતું. પરંતુ ગયા શુક્રવારે સમાચાર આવ્યા કે ગૂગલનું એ ગિટારવાદન વિશ્વની વિવિધ કંપનીઓને બારેક અબજ રૂપિયામાં પડ્યું છે! ગૂગલે સાડા છ લાખ રૂપિયા ખર્ચીને માઉસ અને કી બોર્ડથી વગાડી શકાય તેવું એ ગિટાર તૈયાર કરાવડાવ્યું હતું,
પરંતુ થયું એવું કે લોકો પોતાના કામધંધા પડતા મૂકીને એ ગિટાર વગાડવામાં લાગી ગયા હતા અને એ રીતે ૧૦.૭૦ કરોડ માનવકલાકોનો બગાડ થયો, એવાં તારણો બહાર આવ્યાં! હવે આ પછી કંપનીઓમાં ફેસબૂક ટ્વિટર જેવી ટાઇમબગાડુ સાઇટ્સની સાથોસાથ ગૂગલ પણ બ્લોક થઇ જાય તો નવાઇ નહીં!‘
